你搞錯左既「我的志願」

Views

仲記唔記得「我的志願」係咩？我好似寫過醫生，寫過畫家。哦，其實寫咩都冇所謂啦，其
實老師們可能晨早一見到我地d畫家音樂家就um住嘴笑。為左令各個小朋友唔好係長大後留下不必要既陰影，我強烈建議整番題「我長大後應該做d咩先揾到錢」，咁樣每個學生會非常努力去追求呢個目標，而社會既經濟繁榮穩定又能邁進一大步。YEAH! 

唔知有冇朋友好似我咁，真心覺得返工既時間過得好快，做兩做，突然又已一年。每過幾個月，我都會不厭其煩咁問自己， 我會唔會就咁用左我既三四十年。 可能到最尾我係一個有錢人，有地位有名利，個個都識我， 對於社會經濟發展或者的確有貢獻；而可惜作為一個人，對於地球或者世界可能我都係冇咩貢獻過。我相信呢個世界仲有好多人覺得有錢先至唔會俾人睇死， 我亦唔會否認錢係好重要呢個事實。但係為左錢，你可以去到幾盡？

其實世界真係好大， 香港係就係一個城市， 但唔知點解，亦唔知邊個人， 叫我地乖乖地馴服於社會制度之下啦。 腦細話日日都要揾多過尋日既錢，腦細話你跑唔到數就係廢物。到底要搵幾多錢先至叫夠？我真係唔知。我只係知道，因為人類既無窮慾望， 搞到連北極熊都要食自己d仔女。我發夢係到諗， 如果我係自然界別， 我可能好憎人類， 搞到大自然家無寧日。

講到呢到，我有少少嬲既係， 個個當初令大家錯誤以為有錢就係成功既(人)。我深信，(應該)仲有我呢種廢青，認為生活得有意義，先係成功。廢唔廢，唔到你話事。

我唔知呢番說話到底有冇知音人， 不過如果可以令你有些少共鳴，咁至少我覺得自己未真正顛哂。

 Dare to Dream.

0 意見

歡迎查詢或留言 :-D 多謝支持