成班白痴去旅行，爽!!!!

Views


我身邊既朋友有好多種：文静系、文青系、不理世事系、輕鬆系、樂天系、懶洋洋系。每一個旅程，有唔同既人既組合，都會發生好唔同既化學反應，可以係爆炸，亦可以係出現奇蹟。


而我，成日都會係瘋瘋癲癲個個，例如一路行一路唱歌加埋跳舞，又或者俾人呃既時候發哂脾氣，又或者坐到好似爛佬咁既款。其實係咁既，只係我平日連著得花少少都俾公司同事問候我做咩著到去飲咁既款，笑得太大聲又俾人側目，所以一有機會逃出呢度，我梗係鐘意做番自己啦!!! 而朋友有時都係投訴我好煩、好嘈，但如果我唔係厚面皮隨便你話，個旅程又點會咁熱鬧高興~~? (哈哈!!) 而我自己都好喜歡呢一班陪我一齊顛既朋友，做下D傻事，擺下D傻pose，見到新事物會好興奮開心share，就算成班人趕時間咁怒跑去趕車都可以好搞笑。成日都文青mode上身多愁善感，都要心情轉換一下。咁樣一齊Happy既旅行，真係好爽~~!!

我經常同身邊既朋友講，「做人唔洗太認真，低能一下好開心」。有時太過理性，心入面已經有一把尺去量度人地既文化、行為，可能反而會框住我地既思考模式。若然有機會用一顆樂天童心看世界，就好似一塊海綿咁吸收新事物，咁我地見既野都會闊d，呢一顆好奇心，特別重要。帶番個頭盔先，我唔係叫大家冇批判性思考，必要時都要做番個大人成熟咁諗野既! OK?

0 意見

歡迎查詢或留言 :-D 多謝支持