這就是所謂人離鄉賤 [日本工作假期/漂流生存記#17]
話說前幾日有個新同事到，雖然一直冇話我知幾時到，不過作為食物鏈底層既微生物我都唔會有咩意見。但話說個日我同室友去下田玩（坐45分鐘JR先到），去到冇幾耐大概12pm既時候突然打黎同我講當晚6點有歡迎會，問我地去唔去。當然有人請食飯梗係開心啦～所以我地臨急臨忙要行快d睇景點，突然要6點番到去所以夾硬減咁d行程。
6點鐘剛剛好仆到番去餐廳，認識左小鮮肉男同事。突然傾傾下老闆娘問我仲用唔用個平底鍋，話新同事黎冇鍋想俾個佢。咁其實佢俾我個鍋係極污糟同界到個底花哂，睇開都市閒情長大既小妹聽講個底花哂會釋放有毒物質，所以我就一早係大創買左個新平底鍋，舊個個佢隨便回收吧。於是我應機話：「好呀～我一陣拎俾你。」而老闆娘都好爽快回應我：「唔洗啦！我入左你屋企拎走左！話時話點解我見你買左個新？」 咩話？你自己趁我地唔係度既時候入左我地屋企唔通知聲？雖然係宿舍姐，但你都禮貌上同人講句，咁如果我d底衫褲晾哂出黎就唔好意思俾人見到啦！而佢問我點解買個新，我都唔好意思同人講你個鍋花哂根本有等於冇，又要即興9up個令佢舒服既借口出黎。
話說尋日又日日新鮮獲獲金。又黎左個新既教練，傾傾下計去到晏晝5點既時候突然同我地講呢個教練今晚係度訓。我心諗：「你唔好再遲d先講？？」其實個教練自己係3、4點既時候黎同我講黎訓，但老闆娘一直拖到最後一刻，即係放工之前一分鐘先講。問題係，佢要個間房我放哂行李，又成地頭髮未執（成日甩頭髮），咁即係我要即刻搬走哂d野啦。其實問題係老闆娘成日都去到最尾一刻先同一講，或者事後先講，會唔會將來有一日我打開門見到多個人而我不知他是誰！
然後尋日又係度笑我地個廳好多野，我唔明點解可以咁得逞！呢個係關乎到尊唔尊重既問題，你覺得間屋係你既鐘意幾時入都得？點安排都冇需要講出來？話就話日本人鐘意顧人感受唔想打擾到其他人，我諗呢個都只係一場誤會。之前有個電視節目，講個包租公係租客入伙後懷疑佢會帶男人番屋企（合約寫話唔俾帶男人番屋企）而有一日靜雞雞潛入係房裝偷聽器，最後租客唔服氣於是報警，包租公就俾人拉左。
雖然今次發生既係小事，但係如果我d護照貴重野或者錢唔見左入邊個數先？如果佢地可以俾番少少尊重我，早一日同我講定有d野會發生，或者要自己入去宿舍拎野走，咁我收番埋d野，我個人會冇咁燥，唔會覺得原來宿舍一d都唔安全。
有次，佢個仔黎拎床褥，又係唔敲門又唔大叫問有冇人，係我突然聽到有d怪聲出去玄關睇先知佢已經自己開左門。如果我咁岩換緊衫咁點先？又可以隨便自己話入黎就入黎？
對於日本人口裡客客氣氣、行動上卻唔一致呢種文化，真係好難觸摸！
這就是所謂人離鄉賤。
.jpg)
0 意見
歡迎查詢或留言 :-D 多謝支持