日本人覺得香港人好大食? [日本工作假期/漂流生存記#20]
其實，老闆娘成日話香港人好大食。佢20年前去過香港一次，佢記憶中既香港食物一般都好大份，而家佢間唔中講開食野都會提起我地好大食，因為有次有個日本女教練入左黎住兩晚，同老闆娘講話我地既食量嚇死佢。咁我係一個女人，所以避免不了會比較記仇。到底老闆娘覺得我地大食，佢用既係咩標準?
好，我地一齊黎睇下呢張相，我們今日既午餐，一人一份。就算係要落水既教練，都係食呢碟咁好味既白飯加淨麵，姑且送少少有味既蔥俾你食。話說老闆娘之前話煮飯每人有五百YEN限額，但其實佢心入面條數應該唔係咁計，應該係一百YEN。望住呢個午餐，我心入面諗:「OK! 如果你覺得呢個午餐為之足夠既話，我真係冇野好講。」我同教練成日都要落水擔擔抬抬，真係食到個人燥燥地，又冇力。俾一粒肉碎都好排，或者加隻蛋...
有次我經過辦公室，見到老闆係度食杯麵，終於明哂 - 其實原來你都食唔飽既，等我仲以為佢地真係吸風飲露添，嚇死我啦。記得以前係東京d和食屋，一個定食有個麵又加個飯，無限澱粉質。而今日，我更加體驗到澱粉質既極致~!! 就係 - 白飯加淨麵! YEAH!
而家我夜晚真係好大食，食番哂午餐D肉同埋菜。大佬，淨食澱粉質... 我既人生樂趣...
.jpg)
0 意見
歡迎查詢或留言 :-D 多謝支持